FXB Rwanda                                   

B.P 188 Kigali

Email : info@fxbrwanda.org

Itangazo ryˈipiganwa 017/G/FXB/2023

 Isoko ryo kudoda imyambaro y’abanyeshuli bafashwa n’umushinga wa FXBVillage mu karere ka Kamonyi, Umurenge wa Musambira.

Ku nkunga  ya ADA/DGD binyuze mu mushinga wa REPES VillageFXB Musambira, FXB-Rwanda, Umuryango Nyarwanda utari uwa Leta,  iramenyesha abantu bose n’ibigo bibyifuza kandi babifitiye ubushobozi, ko mu rwego rwo gufasha abafatanyabikorwa bayo biga mu mashuri abanza, ishaka gutanga isoko ryo kudoda imyambaro y’ishuli mu mu bigo bikurikira :

AKARERE KA KAMONYI/ UMURENGE WA MUSAMBIRA

Nk’uko bigaragara mu mbonerahamwe iri haruguru, buri munyeshuli agenewe imyambaro y’ishuli ibiri (2). Upiganwa agomba kubanza gusura ibigo by’amashuli byavuzwe haruguru agasuzuma neza imiterere y’imyambaro y’ishuli apiganirwa yibanda ku kureba igitambaro umwambaro w’ishuri udozemo, amabara, n’ibindi byose byazatuma atanga servisi inoze. 

Simlar jobs in Rwanda
Learn More About FXB Rwanda
FXB Rwanda jobs in Rwanda

Imyambaro y’ishuli itangwa igizwe n‘ijipo/ipantalo n’ishati. Uzatsindira iri soko agomba kuba yiteguye kugemura iyi myambaro y’ishuli ku biro bya FXB Rwanda biri mu murenge wa Runda. Iyi myambaro y’ishuri izagezwa ahavuzwe haruguru mu gihe kitarenze ibyumweru bibiri (2) ukimara gusinya amasezerano  na FXB Rwanda. Kwishyurwa bizakorwa nyuma yo kwakira imyambaro yose yuzuye kandi ishimwe n’ikigo ndetse na FXB Rwanda. 

Uwifuza wese gupiganira iri soko agomba kugaragaza ibi bikurikira:

• Icyemezo cy’uko yiyandikishije mu gitabo cy’ubucuruzi gitangwa na RDB (RDB certificate)
• Kuba nta mwenda abereyemo ikigo k’imisoro n’amahoro (VAT Tax clearence certificate) ;
• Igiciro cyatanzwe kigomba kugaragaza neza umubare w’amafaranga atarimo TVA, TVA ukwayo ndetse n’igiteranyo cya yose. 

Ibahasha ifunze neza irimo ibaruwa yandikiwe Umuyobozi Nshingwabikorwa wa FXB Rwanda irimo ibiciro igaragaza ibyasabwe hejuru igomba kuba yageze mu Bunyamabanga bukuru bwa FXB-Rwanda buherereye mu karere ka Kamonyi, Umurenge wa Runda, Akagali ka Ruyenzi muri metero 100 uvuye ku murenge wa Runda, bitarenze ku wa kane taliki ya 08 Kamena 2023 saa kumi za nimugoroba (16h00). 

Icyitonderwa: 

1. FXB Rwanda ishobora kwanga ibiciro igihe ibyatanzwe bihabanye n’ibiri ku isoko.
2. Abapiganirwa iri soko bagomba gushyiraho email zabo kugirango bazamenyeshwe ibyavuye mu ipiganwa

Bikorewe ku Ruyenzi, kuwa 31/05/2023 

Emmanuel KAYITANA

Umuyobozi wa FXB RWANDA